Muhammad

Muhammad

Muhammad listen (pitulung·info) (Aksara Arab: محمد, nu dialihaksarakeun dina aksara Latin jadi Mohammad, Mohammed, Muhammed, Muhamad, atawa Mahomet, Aksara Sunda: ᮙᮥᮠᮙ᮪ᮙᮓ᮪) dianggap ku umat Islam salaku rosul/utusan Gusti Alloh SWT. Numutkeun babad salira (biografi) nu disebut siroh (basa Arab), anjeunna dibabarkeun tina tanggal 20 April 570 di Mekah aya oge anu nyebatkeun tahun 571, pupus di Madinah 8 Juni 632, nu duanana aya di wewengkon kalér Arab.

Umat Islam percaya yén pancén Muhammad nyaéta pikeun ngadugikeun ka kaumna perkara agama tauhid (monotéisme) nu utamana nyaeta ngawartakeun yen Alloh teh sahiji. Agama nu ngageum yen Alloh sahiji eta teh agama Islam, nu geus diajarkeun/didugikeun ku para nabi saméméhna, sarta yakin yén Islam geus aya saméméhna. Nalika disebutkeun ngaran anjeunna, umat Islam biasa nuturkeun ku kalimah sallallahu `alayhi wa s-salām (saw., "mugia Gusti Alloh maparinkeun kasalametan ka anjeunna").